- INTRODUSAUN
Hodi hatan ba ezijensia
komunidade Timor-Leste iha setor Saude no Edukasaun nian, V Governu
konstitusional RDTL hamosu programa ida hanaran programa Nasional
rehabilitasaun patrimoniu Komunitariu, liu husi OGE 2014, Governu aloka ona 25
milloens dolar Amerikanu hodi hatan ba ejizensia hirak ne’e. Atividade
importante husi programa ida ne’e mak rehabilitasaun eskola no sentru
fasilidade saude iha teritoriu tomak.
Objektivus husi programa ida ne’e mak:
- Hadia prestasaun serbisu sosial ba povu
- Fo empregu no rendimentu ba povu
- Hametin relasaun sosial
- Kria kondisaun diak ba utilizador sira
Rezultadu hudi atividade
ne’e mak:
- iha kondisaun diak ba utilizador sira
- komunidade hetan benefisiu finanseriu
- Patrimoniu komunidade hetan rehabilitasaun
- PROSESU EZEKUSAUN PROJETU
Projetu
rehabilitasaun patrimoniu komunitariu ida ne’e ezekuta husi grupu ne’ebe forma
husi komunidade area implementasaun projetu, depois grupu ne’e simu projetu
hodi ezekuta. Tekniku husi Ministeriu halao levantamentu dadus no prepara
orsamentu no dezenu, depois entrega ba iha ADN hodi verifika no aprova, ikus
liu haruka ba iha Administrador kada munisipiu hodi kontratu no asina ho grupu
sirak ne’ebe kaer obra refere.
Iha
prosesu ne’e nia laran, entidades, ministeriu sirak ne’ebe serbisu hamutuk
forma ekipa hanaran KTI (Komisaun Tekniku Interministerial), komisaun refere
mak prepara dokumentus relasaun ho konstrusaun fiziku no halo supervizaun.
- BAZE LEGAL
Baze
legal ne’ebe mensiona iha kontratu hamutuk artigu 5 ne’ebe mak kualia kona-ba:
kustu, tempu, responsabilidade, mekanismu no deveres.
Tidak ada komentar:
Posting Komentar