OINSA ITA ATU HAKEREK PROPOSTA

DIFINISAUN PROPOSTA

•       Proposta hanesan planu serbisu ka atividade ne’ebé kria ho sistematika no detailu ba atividade ne’ebé formal.

•       Proposta mos rekomendasaun ba serbisu ka atividade ruma ne’ebé presiza aseita husi parte seluk ka ema seluk.

•       Formas atividade ne’ebé halo ho formal no tuir standarte  ka kriteria proposta ne’ebé iha.

•       Planu eskrita ne’ebé bele esplika ba ema seluk  kona-ba atividade ida ho nia objetivu hotu.

IMPORTANSIA PROPOSTA

•       Dokumentus atividade ka serbisu ruma ne’ebé efektivu no efesiensia

•       Formas ka matadalan ba atividade ne’ebé planeia ona.

•       Bele kontrola atividade ka serbisu ne’ebé planeia tiha ona.

•       Bele atinzi ba objektivu no benefisiu aktividade ne’ebé ita planeia ona.

 KONSEPTU OINSA ATU HALO PROPOSTA

Tuir mai iha pontu hirak ne’ebé ita persija hatene oinsa atu hakerek proposta ba organizasaun ka instituisaun ida hodi husu ajuda.

1.    Titulu Proposta

2.    Introdusaun

3.    Kontekstu husi problema

4.    Objektivu

5.    Aktividade

6.    Fatin no tempu

7.    Halo budget/orsamentu

8.    Relatoriu

 ESPLIKASAUN:

1.    Titulu proposta: esplika kona-ba titulu husi proposta ne’ebé ita hato’o. Exemplu; proposta kona-ba husu ajuda “material konstrusaun uma”.

2.    Introdusaun: esplika kona ba se mak ita (organizasaun / grupu: vizaun no misaun), ita nia aktividade, ita nia esperensia no kapasidade.

3.    Kontekstu husi problema: esplika tanba sa mak ita husu ajuda, signifika saida ka benefisiu husi aktividade ne’ebé ita proposta atu ajuda ka fo suporta (impaktu ba komunidade, ema ne’ebé fo ajuda/NGO ka organizasaun seluk)

4.    Objektivu: esplika objektivu husi aktividade ne’ebé ita sei organiza. Halo rezumu objektivu ho klaru.

5.    Aktividade: esplika liu kona-ba lalaok husi aktiividade ne’ebé ita sei halo.

6.    Fatin no tempu: tau mos iha ne’ebé no bainhira mak aktividade ne’e ita sei halo.

7.    Halo budget/orsamentu hira mak persija ka halo budget kona-ba sasan saida deit mak ita persija.

8.    Relatoriu: esplika katak wainhira aktividade remata, prontu atu halo relatoriu no responsavel ba iha orsamentu hirak ne’ebé fo.